Fokusi rus në fushën e betejës mund të jetë zhvendosur, objektivi i Moskës

Fokusi i Rusisë në fushën e betejës mund të zhvendoset në zona të tjera përveç Avdiivka-s, thekson Instituti Amerikan për Studimet e luftës.

Forcat ruse kanë patur një përparimin jashtëzakonisht të ngadaltë në perëndim të qytetit, me trupat që tani duket se janë të përqendruara në drejtimin Chasiv Yar, një qytet rreth 80 km në veri të Avdiivka.

“Raportet e shtabit të përgjithshëm ukrainas në mëngjesin dhe mbrëmjen e të martës thanë se forcat ukrainase zmbrapsën gjithsej 47 sulme ruse në drejtimin Avdiivka dhe 57 sulme ruse në drejtimin Bakhmut gjatë gjithë ditës, por një numër shumë më i lartë sulmesh në Chasiv Yar”- thuhet në raportin e institutit amerikan.

“Raportimi i një dite nuk është i mjaftueshëm për të krijuar një qasje të plotë,” thekson ISW, “por mund të sugjerojë se forcat ruse po ngadalësojnë disi shkallën e sulmeve rreth Avdiivka ndërsa ri-angazhohen për të shtyrë ofensivën rreth Chasiv Yar”, shtoi ai.

Raportet kanë sugjeruar se Rusia i ka vënë sytë në qytetin strategjik të Chasiv Yar, i cili, nëse kapet, do ta bënte më të lehtë për Moskën të përparonte më tej në lindje.

ISË vuri në dukje gjithashtu sukseset e fundit ruse pranë Avdiivka, veçanërisht në Ocheretyne (në veriperëndim të Avdiivka) dhe Novokalynove (në veri të Avdiivka), por tha se “shkalla e përparimeve të konfirmuara duket se është ngadalësuar”.

Ja si duket situata aktuale në fushën e betejës, sipas ISW…

LEXONI GJITHASHTU:

• “Moska do nis një ofensive të madhe ndaj…”- Raporti i Institutit Amerikan
• Cili është qyteti kyç në Ukrainë që Rusia kërkon ta pushtojë me çdo kusht