Çfarë dihet deri tani nga vrasja e çiftit në Dropull, pse bie pista e grabitjes

Në orët e para të mëngjesit të kësaj të enjte, çifti i bashkëshorëteve, përkatësisht Kosta dhe Kleoniki Ilia janë gjetur të vdekur në banesën e tyre nga fqinjët.

Pas njoftimit të policisë, kanë nisur hetimet për të përcaktuar se si ka ndodhur ngjarja. Referuar të dhenave të bëra publike nga vetë blutë e qarkut të Gjirokastrës, dyshohet se dy të moshuarit janë vrarë me mjete rrethanore.

Ky fakt ka bërë që hetuesit të ngrenë dyshimet për një grabitje me dhunë. Por pas kontrrollit të banesës, janë gjetur sende me vlerë dhe shuma parash të pa prekura, duke hedhur poshtë dyshimet për një grabitje.

Çifti i të moshuarve jetonin të vetëm pasi nuk kishin fëmijë dhe policia nuk ka konstatuar shenja të dhunimit të banesës, apo thyerje të dritareve dhe dyerve, duke bërë kështu që të ngrihen dyshime të arsyeshme se kemi të bëjmë me një krim brenda familjes, por ende vijojnë hetimet për të zbardhur ngjarjen e rëndë.

Ishte motra e të ndjerit nga Athina ajo e cila vuri në lëvizje fqinjët pasi nuk mund të lidhej dot në telefon me çiftin e të moshuarve.

LEXONI GJITHASHTU:

• U zu me të birin, farmacistja në Tiranë në gjendje të rëndë. Konsumoi medikamente
• Ngjarje e rëndë në Dropull, vriten me sende të forta çifti i bashkëshortëve
• “Jetonin vetëm, s’kishin fëmijë”- Pistat e hetimit për vrasjen e çiftit në Dropull