Europa në alarm nga rrjeti i spiunazhit kinez, Pekini shpall një “luftë të re”

Kina duket se ka ndjerë “armiqësi” nga Europa, ndonëse presidenti i saj ka njoftuar se do të vizitojë tre shtete në kontinent së shpejti.

Para pak javësh, mediat perëndimore publikuan informacione për dopingun e notarëve kinezë dhe më pas Gjermania dhe Britania e Madhe arrestuan pothuajse njëkohësisht gjashtë persona të akuzuar për spiunazh për Kinën.

Arrestimet nuk janë të rastësishme, ato janë rezultat i rritjes së interesit të inteligjencës kineze si rezultat i masave për të vështirësuar biznesin e kompanive kineze në BE.

Një gjë e tillë nuk duhet të mbetet pa përgjigje, ndaj Chen Yixin, sekretar i komitetit të partisë dhe kreu i Ministrisë së Sigurisë Kombëtare, publikoi një tekst me titull: “Studim i detajuar për zbatimin e të gjithë konceptit të sigurisë kombëtare dhe ruajtjes së palëkundur të sigurisë kombëtare”.

Është një artikull i gjatë plot fraza boshe, të mërzitshme partiake dhe glorifikimi i karakterit dhe veprave të Xi. Mesazhi është i thjeshtë, Chen thërret aparatin e sigurisë, numrin e saktë të të cilit nuk e dimë, por është i madh, për të vepruar kundër të gjitha presioneve të jashtme.

“Ne duhet të analizojmë dhe të reagojmë në mënyrë të duhur në mënyrë dialektike. Mesazhi kyç fshihet në fjalinë “nxirrni thonjtë dhe eliminoni tradhtarët”.

Kjo lë të nënkuptuar se do të ketë spastrime të reja kur udhëheqja e partisë ka nevojë për to.

Dhe një mesazh për spiunët e huaj, ndaj duhet të presim që në periudhën e ardhshme të ketë arrestime si të kinezëve ashtu edhe të të huajve sepse mesazhi duhet të japë rezultate.

Sakaq, shërbimet evropiane të kundërspiunazhit duket se janë të vetëdijshëm për rritjen e inteligjencës kineze.

LEXONI GJITHASHTU:

• Arrestohet ndihmësi i eurodeputetit gjerman, dyshohet se spiunon për Kinën
• Gjermania arreston dy persona nën dyshimin se spiunonin për Rusinë
• Arrestohen spiunët rusë në Gjermani, planifikonin akte sabotazhi ndaj ushtrisë