Eurodeputeti grek viziton Belerin në burgun e Fierit

Kryetari i Komisionit të Asocim – Stabilizimit në BE, eurodeputeti grek, Manolis Kefalogianis vizitoi këtë të hënë në burgun e Fierit bashkëkandidatin e vet, Kryebashkiakun e zgjedhur të Himarës Fredi Beleri.

I pranishëm në takim ishte dhe kreu i PBDNJ, Vangjel Dule, që ka shoqëruar Manolis Kefalogianis në burgun e Fierit.

Pas takimit me Belerin eurodeputeti do takohet gjithashtu me përfaqësues të minoritetit grek në Shqipëri, ku në fokus do të jenë diskutimet për çështjet e pronave.

Kryebashkiaku i zgjedhur i Himarës Fredi Beleri është shpallur zyrtarisht kandidat i partisë greke në pushtet Demokracia e Re për zgjedhjet e ardhshme evropiane.

Kujtojmë se eurodeputeti grek ndodhet në Shqipëri që gjatë fundjavës, ku ditën e Pashkëve ai ndoqi meshën e shenjtë në Katedralen Orthodhokse të Ngjalljes së Krishtit në Tiranë.

LEXONI GJITHASHTU:

• Kandidat i Mitsotakis për Parlamentin Evropian, reagon Fredi Beleri
• Zyrtare| Fredi Beleri kandidat i Greqisë për Parlamentin Evropian