30-vjeçari vjedh para dhe 2 celularë në Spitalin e Dibrës, arrestohet nga Policia

Një 30-vjeçar ka rënë në prangat e Policisë, pasi dyshohet se vodhi një shumë parash dhe 2 cëlularë në një dhomë pacientësh në spitalin rajonal të Dibrës.

Sipas burimeve nga Policia, bëhet me dije se i riu është një person me precedent të mëparshëm për të njëjtin krim.

Në cilësinë e provës materiale janë sekuestruar sendet e vjedhura dhe materialet procedurale i kaluan Prokurorisë për veprime të mëtejshme.

Njoftimi i Policisë:

Dibër-Vodhi një shumë parash dhe 2 celularë, në një dhomë pacientësh në spitalin rajonal të Dibrës, identifikohet dhe vihet në pranga pak orë pas vjedhjes, 30-vjeçari.

I arrestuari, me precedent të mëparshëm për të njëjtin krim.

Sekuestrohen sendet e vjedhura.

Shërbimet e Komisariatit të Policisë Dibër, sapo janë njoftuar se në një dhomë në spitalin rajonal të Dibrës, 2 pacientëve dhe shoqërueses së njërit prej tyre, iu ishin vjedhur një shumë parash dhe 2 celularët, kanë organizuar punën për të identifikuar dhe arrestuar autorin.

Si rezultat, u kap dhe u vu në pranga, për veprën penale “Vjedhja”, autori i dyshuar i këtij rasti, shtetasi B. M., 30 vjeç, banues në Peshkopi,

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm, Dibër.

LEXONI GJITHASHTU:

• Prodhonin “Bitcoin” në banesë, detaje nga operacioni me 1 të arrestuar në Tepelenë
• Policia gjermane i largon protestuesit propalestinezë nga Universiteti i Berlinit