Akuzat e Ballës, Gazment Bardhi: Nuk ka pasur asnjë kërcënim mbi firmat e ndërtimit

Sekretari i përgjithshëm i Partisë Demokratike, Gazment Bardhi iu përgjigj akuzave të bëra nga Taulant Balla, i cili tha se Basha së bashku me Bardhin kanë ushtruar presion ndaj firmave të ndërtimit në Elbasan që të mos zbatojnë afatet kohore për projektet publike.

Ai theksoi në studion e “Ilva Now” se këto pretendime nuk janë të vërteta, madje i bëri thirrje publike z. Balla t’i drejtohet SPAK-ut.

“Kjo është vepëR penale. E nxis ta çoj në SPAK. Unë s’kam asnjë kontakt me asnjë ndërtues. Nuk kam shkuar në Elbasan për të lidhur kontaktet me ndërtues apo për të telefonuar apo kërcënuar ndërtues. Në Elbasan nuk po ndërtohet asnjë rrugë. Balla përpara se të vijë të flasë këtu për kërcënime imagjinare, të shkojë dhe të shtrojë rrugën e fshatit të vet, që nuk e ka shtruar akoma. Ne do ta shtrojmë, pa asnjë diskutim”,  tha ai.

LEXONI GJITHASHTU: 

• Gazment Bardhi thotë se eksponentët e dhunës “Ditën e Verës” në Elbasan lidhen direkt me Taulant Ballën
• Gazment Bardhi: E pa imagjinueshme që PD të humbasë zgjedhjet, në Elbasan fiton e djathta
• Sherri fizik Luca-Boçi, Bardhi: Dhuna nuk është alternativë për askënd