“Po flirton me Serbinë” – Vizita e Kuleba në Beograd ngjall reagime në Kosovë

Vizita e ministrit të jashtëm të Ukrainës, Dmytro Kuleba në Serbi nuk është pritur mirë në Kosovë.

Nënkryetari i parlamentit të Kosovës, Enver Hoxhaj, ka reaguar ndaj ministrit të jashtëm të Ukrainës, i cili u takua me homologun e tij në Serbi, Marko Gjuriç.

Hoxhaj, përmes rrjetit social X, ka  thënë se “është për të ardhur keq që Ukraina mban në Ballkan politikën e jashtme pro-ruse të Yanukovych, duke flirtuar me Serbinë që është pjesë e boshtit të gjenocidëve të udhëhequr nga Rusia”.

“Është për të ardhur keq që Ukraina mban në Ballkan politikën e jashtme pro-ruse të Yanukovych, duke flirtuar me Serbinë që është pjesë e boshtit të gjenocidëve të udhëhequr nga Rusia. Nocioni i Ukrainës pro-evropiane dhe pro-perëndimore duket të jetë asgjë më shumë se një fasadë në realitet.”, ky është reagimi i Hoxhajt.

LEXONI GJITHASHTU:

• Scholz i kërkon Serbisë të zbatojë Marrëveshjen e Ohrit
• Varhelyi: Serbia të harmonizojë politikën me BE, anëtarësimi i mundshëm në 5 vite