Po ndërtonte një dyqan pa leje në zonë urbane, arrestohet 58-vjeçari

Një 58-vjeçar është arrestuar nga policia e Shkodrës, pasi u ndalua në flagrancë duke ndërtuar një object pa leje në lagjen Guerrile të qytetit.

Sic shihet dhe nga foto, 58-vjeçari po ndërtonte një strukturë betoni të cilin do ta shërbente si dyqan.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

“Si rezultat i kontrolleve dhe verifikimeve që kryhen në bashkëpunim me specialistët e IMT Shkodër, me qëllim parandalimin dhe goditjen e rasteve të ndërtimeve pa leje, në zonat turistike dhe në ato urbane, shërbimet e Komisariatit të Policisë Shkodër vunë në pranga shtetasin F. T., 58 vjeç.

58-vjeçari po ndërtonte pa leje, në lagjen “Guerile”, një strukturë betoni që do të shërbente si dyqan”, thuhet në njoftimin e policisë.