Putin: Trupat ruse po përmirësojnë pozicionet në Ukrainë çdo ditë

Presidenti Vladimir Putin ka thënë se trupat ruse në Ukrainë “po përmirësojnë pozicionet në të gjitha drejtimet çdo ditë” dhe ofensiva ushtarake e Moskës në vend do të vijojë.

Sipas mediave të huaja, komentet e liderëve rusë vijnë disa momente pasi ushtria ukrainase pretendon se ka “zmbrapsur pjesërisht” forcat ruse në qytetin Vovchansk në rajonin e Kharkiv.

Moska filloi një ofensivë të ngutshme në rajonin e Kharkiv të premten, pas javësh spekulimesh se Rusia po përgatitej të krijonte një vijë të re fronti atje.

Qytetet Vovchansk dhe Lyptsi duket se janë fokusi i ofensivës. Kjo e fundit mund t’i japë Rusisë një mundësi për ta vënë Kharkivin nën një breshëri artilerie, nëse kapet.

LEXONI GJITHASHTU:

• Osmani: Serbia po ndihmon Putin për të hapur një front të ri ndaj Perëndimit
• Ndryshimet në qeveri, a po përgatitet Putini për një luftë të gjatë?