Nga Doqja te vëllezërit Bami e klani Duka, zbardhen urdhër-arrestet e SPAK

Të tjera detaje kanë dalë lidhur me operacionin e zhvilluar ditën e sotme me urdhër të SPAK në disa qytete të vendit.

Sipas burimeve për Euronews Albania, bëhet me dije se janë lëshuar 43 urdhër-arreste për personazhe të njohur të botës së krimit, të dyshuar si të përfshirë në vrasje.

Mësohet se kontrolle nga Policia dhe forcat RENEA janë zhvilluar në Tiranë, Durrës, Shijak, Nikël, Vlorë dhe Shkodër.

Janë kontrolluar banesat e klanit Duka, që njihen si rivalë të Ervis Martinajt. Janë lëshuar urdhër-arreste për ta e për Avdylajt në Shijak, për Durim dhe Valter Bamin.

Po ashtu në Vlorë është kontrolluar banesa e Fatmir Hysenit, i njohur me nofkën ‘Doqe’, i cili dyshohet për vrasjen e Santjago Malkos, krahut të djathtë të Ervis Martinajt.

LEXONI GJITHASHTU:

• Olsi Rama padit sërish në SPAK Gazment Bardhin
• Ish-kryebashkiaku i Kavajës paraqitet në SPAK