Tentoi të kalonte në Malin e Zi me drogë me vete, arrestohet 34-vjeçari në Muriqan

Një 34-vjeçar ka rënë në pranga në pikën kufijtare të Shqipërisë me Malin e Zi, në Muriqan, pasi është kapur me kanabis me vete.

Përmes një njoftimi, Policia bën të ditur se në cilësinë e provës materiale është sekuestruar lënda narkotike, automjeti dhe cëlulari i të dyshuarit.

Ndërkohë materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

Njoftimi i Policisë:

PKK Muriqan-Tentoi të dilte nga Shqipëria, me një sasi cannabisi me vete, vihet në pranga 34-vjeçari.

Sekuestrohen lënda narkotike, si dhe automjeti dhe celulari i të arrestuarit.

Si rezultat i kontrolleve dhe verifikimeve që po kryhen me qëllim parandalimin dhe goditjen e krimeve kufitare, Policia Kufitare e PKK Muriqan, në bashkëpunim me Seksionin për Hetimin e Narkotikëve e DVP Shkodër, vuri në pranga shtetasin V. T., 34 vjeç, banues në Malësi të Madhe.

Nga kontrolli i kryer në dalje të RSh-së, në automjetin që drejtonte 34-vjeçari, u gjet një sasi lënde narkotike cannabis sativa, e ndarë në 3 qese të vogla.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

LEXONI GJITHASHTU:

• Vrasje, trafik droge dhe prostitucion, SPAK çon për gjykim dosjen e Xhevdet Plakut
• Mbajti peng fëmijët dhe terrorizoi lagjen me kallash, flasin fqinjët: Pinte drogë