“Martinaj e Ndoka bashkë për të eliminuar…” Gazetarja: Aleanca e grupeve kriminale
Temë e emisionit Revieë në Euroneës Albania këtë të shtunë ishte operacioni i ndërmarrë nga SPAK, ku u goditën 7 nga grupe më të fuqishme kriminale në Shqipëri dhe ku u sekuestruan disa milionë euro para të thata, por dhe pasuri të tjera.
E ftuar në studio, gazetarja Gildona Daci zbuloi dhe aleancat mes grupeve kriminale për të eliminuar njëri tjetrin.
Ajo tha se grupi i Ervis Martinaj, bashkëpunoi me grupin e ish-deputetit socialist Arben Ndoka për të goditur kundërshtarët e tyre respektivisht Leonard Duka dhe Durim Bami.
Duka ishte armiku i Martinaj pas konflikteve për lojërat e fatit, ndërkohë që Ndoka dyshonte se Durim Bami ka marrë pjesë në eliminimin e të vëllait, ndaj sipas gazetares ai kërkonte ta eliminonte.
“Ajo që bie në sy është bashkëpunimi i ish-grupit të Ervis Martinaj dhe ish-deputetit të Partisë Socialiste Arben Ndoka. Bashkëpunimi u bë për të goditur rivalët. Por kush janë rivalët? Durim Bami dhe Leonard Duka. Leonard Duka dhe Ervis Martinaj kanë qenë miq shumë të ngushtë, u përplasën për çështjen e lojërave të fatit duke u kthyer në armiq të përbetuar. Kjo luftë bëri që të vriteshin të gjithë miqtë e Ervis Martinaj dhe të zhdukej pa lënë gjurmë ky i fundit, ku nuk kemi një njoftim zyrtar se çfarë ka ndodhur me të. Në një moment aleancës Martinaj, Ndoka i bashkohet dhe Emiljano Shullazi dhe Avdylajt e Shijakut. Nga ana tjetër kemi aleancën e Leonard Dukës, Fatmir Hysenit dhe Durim Bamit. Kjo aleancë e grupeve kriminale u bë për të kryer eliminimin e njëri-tjetrit. Arben Ndoka ishte i interesuar të eiminonte Durim Bamin, pasi jo zyrtarisht ai ka qenë i përfolur për vrasjen e vëllait të tij. Nga ana tjetër kemi përplasjen mes Durim Bamit dhe Mariklen Hakës, ku pasi kanë bashkëpunuar tani janë prishur me njëri tjerin”, tha gazetarja.
LEXONI GJITHASHTU:
Mot i keq në Shkodër, autoritetet apel qytetarëve: Shmangni zonat me risk
Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
Debat në “Now”, Nurellari: Duhet mbrojtur natyra! Ish-ministri Bajrami: Ka tentativë për destabilizim, Koka: U derdh gota e durimit
- 23:16 Mot i keq në Shkodër, autoritetet apel qytetarëve: Shmangni zonat me risk
- 23:07 “Opozitë e krimit”! Protestuesit nga selia e PS-së shkojnë para selisë së PD-së
- 22:35 Tajani: Është SHBA-ja ajo që “duhet ta ndalojë Izraelin” për paqen në LM
- 22:33 SHBA tërheq trupat nga Lituania
- 22:28 Qytetarët bllokojnë rrugën pranë selisë së PS-së, thirrje të rinjve: Ngrihuni nga kafet
- 22:27 Irani shënjestron anijen amerikane në Gjirin e Omanit! Araghchi: Nëse Izraeli sulmon Bejrutin, rifillon lufta