“Kush e ka radhën?”- Gazetari: SPAK goditi boshtin më të fuqishëm të krimit shqiptar

Temë e emisionit Review në Euronews Albania këtë të shtunë ishte operacioni i ndërmarrë nga SPAK, ku u goditën 7 nga grupe më të fuqishme kriminale në Shqipëri dhe ku u sekuestruan disa milionë euro para të thata, por dhe pasuri të tjera.

I ftuar në emision, gazetari i kronikës, Ferdinand Dervishi, e cilësoi operacionin e SPAK të mirë, pasi goditi majën e krimit shqiptar. Sipas tij, Prokuroia e Posaçme i dha me këtë operacion një goditje boshtit të krimit shqiptar që ndodhet në aksin Tiranë-Fushë-Krujë-Durrës.

Dervishi tha se tashmë kanë mbetur vetëm disa personazhe në Fier dhe Vlorë, për të përmbyllur goditjen e kupolës së krimit në Shqipëri.

“Është goditur linja më e fuqishme krimit shqiptar aktual, Tiranë-Fushë-Krujë- Durrës. Janë goditur Poja, Troplini, Avdylajt, Durim Bami dhe grupi i Niklës, Plaurent Dervishaj. Nuk është pak, atje ku është, iu shtua akuza nuk vjen dot më në Shqipëri. Krimi kur mbyllet në burg, apo kur ikën jashtë shtetit, nuk ka më atë fuqi kur ai është aty në këmbë, i pa kërkuar nga askush dhe i lirë. E humb avash avash fuqinë. Unë si gazetar, pas goditjes dhe të Bajrave në Shkodër, nuk shof më ndonjë gjë të madhe në Shqipëri. Shof ca tipa nga Fieri dhe Vlora, nuk e di radhën kur do u vejë por nuk shoh më ndonjë gjë të madhe. U goditën deri në maj, u godit boshti më i fuqishëm i krimit në Shqipëri”, tha Dervishi.

LEXONI GJITHASHTU:

• Eksperti: Cili është grupi kriminal ku u gjetën 3 mln € cash, më të fortët në vend
• Megaoperacioni i SPAK, Dervishi: U godit selia kryesore e krimit, ndodhej në Shijak