Sulmi në Krime, Zakharova paralajmëron Perëndimin të mos “luajë me zjarrin” 

Rusia po paralajmëron SHBA-në dhe BE-në, si dhe Kievin, të cilin e kontrollojnë, se po luajnë me zjarrin në lidhje me sulmet e ushtrisë ukrainase dhe se Rusia do të përgjigjet, tha zëdhënësja e Ministrisë së Punëve të Jashtme ruse Maria Zakharova.

Zakharova tha se të enjten dhe të shtunën, “regjimi në Kiev ndërmori një tjetër sulm masiv me mjete ajrore pa pilot dhe drone detare në Krime, Krasnodar dhe rajone të tjera ruse dhe se Rusia po paralajmëron edhe një herë Perëndimin për këto sulme me të cilat po luan me zjarri dhe se Rusia do t’i përgjigjet cenimit në territorin e saj”.

Zakharova thekson se është e qartë se pas atyre “sulmeve barbare” me armë perëndimore qëndrojnë SHBA-të dhe Britania e Madhe, të cilat, siç tha ajo, kontrollojnë presidentin ukrainas Volodymyr Zelensky, raportoi “TASS”.

“Ata jo vetëm që e furnizojnë atë me raketa dhe armë të rënda me rreze në rritje, por gjithashtu japin dritën jeshile për përdorimin e tyre kundër Rusisë, duke kontribuar kështu në përshkallëzimin e mëtejshëm të konfliktit”, tha Zakharova.

LEXONI GJITHASHTU:

• Rusia vijon sulmet në Kharkiv, ku Putin synon të krijojë një zonë neutrale
• Ukraina: Kemi rrëzuar të gjithë dronët e lëshuar nga Rusia