Erion Braçe: Lufta Nacionalçlirimtare duhet t’u duket “Rock” të rinjve

Në një intervistë me gazetaren Ilva Tare në Euronews Albania, zëvendëskryeministri Erion Braçe mbrojti çështjen e Luftës Antifashiste Nacionalçlirimtare dhe faktin se ajo mbetet si pikë kryesore e Partisë Socialiste.

I pyetur se sa mund t’i përfshijë të rinjtë tema e luftës, Braçe u përgjigj duke theksuar se “e bezdis toni shpërfillës për Luftën Nacionalçlirimtare”.

“[Toni shpërfillës ndaj Luftës] injektohet nga një kategori që doli e turpëruar nga lufta dhe nuk ishte zgjedhja e atyre që bënë luftën që të turpëroheshin këta, ishte zgjedhja e atyre që vendosën që të ishin në krahun e gabuar në atë luftë, në atë histori që për mua është e lavdishme, dhe po ju them… nëse nuk u duket ‘Pop’, duhet t’ju duket ‘Rock’ lufta anti-fashiste nacionalçlirimtare,” – tha Braçe.

Zëvendëskryeministri tha se projekti i Bashkimit Evropian i kishte bazat te lufta antifashiste.

“Kur ndihen krenar italianët për rezistencën e tyre kundër fashizmit, kur ndihen krenar francezët, kur kërkojnë ndjesë gjermanët e sotëm për atë që bënë gjermanët e hershëm ndaj popujve të tjerë […] pse ne nuk duhet të ndihemi krenar që u çliruam me forcat tona?!” – vijoi Braçe duke theksuar se për Shqipërinë emancipimi i gruas nisi pikërisht gjatë luftës.

Zëvendëskryeministri këmbënguli se kjo tematikë ngjit më shumë se temat e “realityshow” që zënë ditët e sotme mediat. Braçe tha se antifashizmi nuk është nostalgji, por realitet “për sa kohë populizmi është gjithmonë në pritje te dera”.

LEXONI GJITHASHTU:

• Braçe: Jemi detyruar të mbajmë kontrata konçensionare që po u prishën i bëjnë dëm shtetit
• Erion Braçe me objektiva të qartë: Në Fier luftojmë për 11 mandate
• ”Thonë se kam harruar që jam pjesë e qeverisë”, Erion Braçe tregon se si do të ishte si opozitar
• Erion Braçe: Pritja e Bashës në Fier nuk ishte entuziaste por kriminale, pasi rrezikon jetë njerëzish
• Erion Braçe kujton Bashkim Finon, momentet e njohjes dhe cilësitë që kishte
• A vendos Rama fatin politik të figurave në PS? Si përgjigjet zv.kryeministri Erion Braçe