Disa të plagosur nga sulmet e reja ruse në Kharkiv

21 Maj 2024 | 10:47

Rusia ka kryer sulme të reja me dronë në rajonin Kharkiv në verilindje të Ukrainës mëngjesin e së martës, duke i plagosur katër njerëz dhe duke shkaktuar dëme, njoftuan zyrtarët rajonalë.

“Sa i përket sulmit të mëngjesit, cak ishte një objekt infrastrukturor”, tha kryetari i Kharkivit, Ihor Terekhov.

Edhe guvernatori i këtij rajoni, Oleh Synyehubov, tha në Telegram se një objekt infrastrukturor është dëmtuar, duke shtuar se mbetjet e dronëve të rrëzuar dëmtuan disa shtëpi private në qytetin e dytë më të madh të Ukrainës.

Mëngjesit e së martës u lëshuan sirena në gjithë Ukrainën, për paralajmërimin e sulmeve ajrore.

Forcat Ajrore të Ukrainës thanë se i kanë rrëzuar 28 prej 29 dronëve me të cilën Rusia kreu sulme gjatë natës në shtatë rajone të vendit.

Dy dronë të rrëzuar në rajonin Dnipropetrovski një objekt, por nuk u raportua për viktima, tha guvernatori i këtij rajoni.

Tre dronë të llojit Shahed u rrëzuan në rajonin Herson, ndërsa 14 të tjerë u rrëzuan në rajonin Odesa, sipas ushtrisë ukrainase.

Cak i sulmeve me dronë ishin edhe rajonet Mikolaiv, Çerkasu dhe Kirovorad.

Rusia i ka shpeshtuar sulmet me dronë dhe raketa nëpër Ukrainë këtë pranverë, duke i shkaktuar dëme të mëdha infrastrukturës energjetike të saj.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026