Shpalli kampion Leicester-in, trajneri italian tërhiqet pas 38 vitesh nga futbolli

38 vite të suksesshme në trajnim, madje duke fituar disa trofe, mes tyre dhe Premier Leaguen me Leicester Cityn, tanimë ka ardhur fundi e Claudio Ranieri ka vendosur t’i japë lamtumirën futbollit. Trajneri që sezonin e fundit ishte pjesë e Cagliarit, arriti të shpëtojë skuadrën nga rënia nga kategoria, ndërsa kishte njoftuar më herët që ky do të ishte sezoni i tij i fundit si trajner. Në fund ia doli që ekipin e tij ta mbajë në elitën e futbollit Italian, ndërsa u largua si një hero, me lojtarët, stafin dhe tifozët të cilët të emocionuar e përshëndetën 72-vjeçarin.

Nga Italia në Spanjë, Francë, Greqi dhe Angli, CV e pasur e trajnerit Ranieri, por suksesi më i madh i tij mban emrin Leicester City, ekipin të cilin e shpalli kampion të Premier League-s angleze në vitin 2016, duke shkruar historinë me dhelprat.

Karriera si futbollist ishte e shkurtër e zgjati vetëm 13 vjet, por gjithçka nisi në Romë ku ishte fillimisht lojtar e më pas vite më vonë si trajner. Në aspektin personal, Ranieri numëron dhe disa trofe mes tyre trajneri i muajit, trajneri më i mirë i vitit e të tjera vlerësime në botën e futbollit.

LEXONI GJITHASHTU:

• Man City në historinë e Premier League, 4 tituj radhazi për të parën herë
• Si do të ishte renditja përfundimtare në Premiere League pa sistemin “VAR”