Aksident masiv në Durrës, raportohet për 10 të lënduar

Një akident masiv ka ndodhur mbrëmjen e kësaj të shtune në zonën e Plepave në qytetin e Durrësit. Korrespondentja e Euronews Albania, Kloida Gjuzi, bën me dije se në aksident janë përfshirë 4 automjete dhe janë lënduar 10 persona, midis të cilëve dhe një oficer policie.

Personat e lënduar janë në gjendje të mirë shëndetësore, vetëm me plagë të vogla.

Ata janë paraqitur në spitalin e Durrësit për të marrë ndihmën e nevojshme mjekësore.

Sipas informacioneve paraprake raportohet për dëme të shumta materiale, ndërkohë që policia ndodhet në vendngjarje dhe po punon për zbardhjen e shkaqeve dhe rrethanave të aksidentit.

“Rreth orës 20:10, në lagjen nr. 13 Durrës, në aksin rrugor Plepa-Kavajë, janë përplasur 4 automjete me drejtues shtetasit A. D., G. L., E. M., dhe E. H.

Si pasojë e përplasjes kanë shkuar për kontroll mjekësor në spitalin rajonal në Durrës, 6 shtetas pa probleme për jetën, ndërsa shtetasja Xh. H., 61 vjeçe është transportuar në Spitalin e Traumës në Tiranë, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave dhe shkakut të përplasjes së automjeteve”, njoftoi policia.

LEXONI GJITHASHTU:

• “Bobo e gjetëm” Trupi i pajetë i shoferit gjendet mes shkureve 1 ditë pas aksidentit
• Makina del nga rruga në Dardhë, plagosen rëndë burrë e grua
• Humbi jetën 22-vjeçari shqiptar, publikohen pamjet e aksidentit në Greqi (VIDEO)