Gjendet i pajetë 42-vjeçari në Kavajë, dyshohet të jetë përplasur nga një makinë

Një 42-vjeçar është gjetur i pajetë në orët e para të mëngjesit të sotëm në autostradën Kavajë-Durrës, në afërsi të Malit të Robit.

Sipas burimeve nga Policia, 42-vjeçari është banues në Lushnjë dhe dyshohet se është përplasur nga një automjet ende i paidentifikuar.

Ndërkohë po punohet për arrestimin e drejtuesit të automjetit dhe për zbardhjen e plotë të ngjarjes.

Njoftimi i Policisë:

Kavajë/Informacion paraprak

Në orët e para të mëngjesit në autostradën Kavajë-Durrës, në afërsi të Malit të Robit, është gjetur pa shenja jete shtetasi N. H., 42 vjeç, banues në Lushnjë.

Nga veprimet e para dyshohet se është përplasur nga një automjet ende i paidentifikuar.

Policia rrugore e Kavajës dhe grupi hetimor po kqyrin kamerat dhe po kryejnë veprime hetimore për të bërë të mundur identifikimin e automjetit,  kapjen dhe arrestimin e drejtuesit të automjetit.

LEXONI GJITHASHTU:

• Ish-kryebashkiaku i Kavajës paraqitet në SPAK
• Zjarrëfikësi në Kavajë godet me thikë 2 kolegët e tij brenda repartit