Takimi Macron-Zelenskyy, Franca do të trajnojnë ushtarët ukrainas

Presidenti francez Emmanuel Macron tha se bisedimet për anëtarësimin e Ukrainës në BE duhet të fillojnë deri në fund të muajit dhe se kërkesa për të dërguar instruktorë francezë për të trajnuar ushtarët ukrainas në atdheun e tyre është legjitime.

Presidenti francez Macron dhe bashkëshortja e tij Brigitte mirëpritën, Presidentin ukrainas Volodymyr Zelenskyy dhe bashkëshorten e tij Olena Zelenska, në Pallatin Elysee në Paris të premten. Takimi vjen një ditë pasi Macron njoftoi se Franca do t’i sigurojë Ukrainës avionë luftarakë për të ndihmuar mbrojtjen e vendit kundër agresionit rus.

Zelenskyy ishte gjithashtu në Francë për të kërkuar më shumë ndihmë nga Perëndimi, ndërsa forcat e tij luftojnë për të zmbrapsur sulmet ruse pranë qytetit lindor të Kharkivit. Macron njoftoi gjithashtu për një bashkëpunim të ri me Ukrainën dhe shitjen e avionëve luftarakë, të cilët do të lejojnë Ukrainën të mbrojë tokën dhe hapësirën e saj ajrore kundër sulmeve ruse.

Macron theksoi se Franca do të fillojë trajtimin e pilotëve ukrainas dhe ritheksoi se Ukraina duhet të lejohet të përdorë armët e ofruara nga aleatët e saj perëndimorë për të sulmuar objektivat ushtarake ruse dhe për të neutralizuar pikat nga të cilat po sulmohet. Dërgimi i instruktorëve të huaj në Ukrainë do të jetë një subjekt i rëndësishëm debati fundjavën e ardhshme në Zvicër, ku më shumë se 100 vende, përjashtuar Rusinë, do të marrin pjesë në një samit që shpreson të hapë rrugën për paqen në Ukrainë.

LEXO GJITHASHTU

• Franca i jep avionë Ukrainës, zotohet Macron: Ka të drejtë të mbrojë tokën e saj
• Zgjedhjet e BE-së mund të ndikojnë në përkrahjen e Evropës ndaj Ukrainës