Meta del pas 3 orësh nga SPAK: U pyeta për gjëra që nuk kanë lidhje me mua

Presidenti i Partisë së Lirisë, Ilir Meta, ka dalë nga SPAK pas 3 orësh marrjeje në pyetje.

Gjatë fjalës së tij për mediat, Meta tha se u mor në pyetje që nuk kishin lidhje me të.

Ish-Presidenti shtoi se u mor në pyetje në cilësinë e kundërshtarit të qeverisë së kryeministrit Edi Rama, të cilën e quajti narkoregjim.

Ai sulmoi sërish kreun e SPAK, Altin Dumanin, për të cilin tha se me veprimet e tij po përpiqet të mbajë ‘në këmbë’ qeverinë e kryeministrit Edi Rama.

“SPAK është kthyer falë Dum Dumanit në një parti bashkëqeverisëse të Edi Ramës. Unë jam pyetur për 3 orë kot më kot për gjëra që nuk kanë asnjë lidhje me mua, për veprime të të tjerëve, miqve, shokëve të SPAK.

Jam pyetur në cilësinë e kundërshtarit të këtij narkoshteti e narkoregjimi, që e mban në këmbë Dum Dumani, i cili në vend të hetojë McGonigal dhe në vend të ndalojë Ramën, inceneratorin dhe aferën e Portit të Durrësit, merret me përrallën e laraskave të tij.

Tani po iki se kam tryezën për sipërmarrjen. Narkoregjimi kërkon të mbahet me Dum Dumanin tuaj, që bën gjithë ato akte kundër opozitës për të shpëtuar Ramën, por nuk e shpëton dot”, tha Meta.

LEXONI GJITHASHTU:

• Apeli i dha vulën e PD Berishës, Meta: Mori fund odiseja e kapjes së drejtësisë
• Ilir Meta dhe pëlqyeshmëria e tij tek qytetarët. Mbështetja sipas votës politike