Apeli i dha vulën e PD Berishës, Meta: Mori fund odiseja e kapjes së drejtësisë

Presidenti i Partisë së Lirisë, Ilir Meta ka reaguar në lidhje me vendimin e Gjykatës së Apelit që i dha vulën e PD ish-kryeministrit Sali Berisha.

Përmes një deklarate për mediat, Meta deklaroi se mori fund odiseja e manipulimit dhe kapjes së drejtësisë, me synim shkatërrimin e pluralizmit politik.

Meta tha gjithashtu se vula mbahej peng nga ‘kthetrat kriminale të kryeministrit Edi Rama’ për vite me radhë.

“Përshëndes vendimin që rikthen vulën te demokratët dhe demokratet dhe e heq nga kthetrat kriminale të Ramës. Ka kaluar një kohë e gjatë nga vendimi legjitim i gjyqtarit i cili mori pikërisht këtë vendim në përputhje me ligjin. Ka qenë një odise e tërë tjetërsimi e manipulimi, kapje në të gjithë nivelet e drejtësisë. U demonstrua për të shkatërruar pluralizmin dhe PD. Sali Berisha nuk ka marrë vulën e PD-së e kam thënë prej kohësh që ai është vetë vula e PD-së”, tha Meta.

LEXONI GJITHASHTU:

• Momenti kur Apeli vendos që vula e PD-së t’i kalojë Berishës, Rithemelimi në festë
• Gjykata e Apelit i jep vulën e Partisë Demokratike Sali Berishës