Ndaluan pasagjerët me ngjyrë në fluturim, linja ajrore amerikane pezullon stafin

Tre burra paditën linjën ajrore pas një incidenti gjatë muajit janar, në një fluturim midis Phoenix dhe Nju Jorkut.

Sipas mediave të huaja, disa punonjës të American Airlines janë lënë pezulluar për përfshirjen e tyre në një incident në të cilin pasagjerët me ngjyrë u hoqën nga një fluturim, pas një ankese për erën e tyre të trupit.

Tre pasagjerë ngritën një padi kundër linjës ajrore në maj, duke pretenduar diskriminim racor në incidentin e 5 janarit.

Në një shënim për punonjësit, CEO Robert Isom tha se incidenti ishte i papranueshëm dhe se kompania “dështoi” në angazhimin e saj ndaj klientëve.

“Ne po i mbajmë përgjegjës ata që u përfshinë, duke përfshirë heqjen e anëtarëve të ekipit nga shërbimi,” tha linja ajrore në një deklaratë.

Kompania ka njoftuar gjithashtu një numër iniciativash që synojnë parandalimin e incidenteve të tilla, duke përfshirë një “grup këshillues” të fokusuar në përvojën e pasagjerëve me ngjyrë.

Në padinë e majit, tre burra – të cilët nuk ishin ulur së bashku dhe nuk e njihnin njëri-tjetrin – thanë se çdo njeri me ngjyrë u hoq nga fluturimi midis Phoenix, Arizona dhe New York City.

Gjithsej tetë pasagjerë u larguan.

“American Airlines na veçoi për shkak të ngjyrës, na turpëroi dhe na poshtëroi”, thanë ata në një deklaratë.

Incidenti në fjalë nuk është hera e parë që American Airlines përballet me akuza për diskriminim.

LEXONI GJITHASHTU:

• Linjat ajrore supersticioze: Pse disa avionë nuk kanë rreshtin e 13-të të vendeve 
• BE do të ngarkojë linjat ajrore me leje për emetimet e CO2