Dosja “Gërdeci”, shtyhet seanca për Fatmir Mediun

Shtyhet me dy javë, më 10 korrik seanca për Fatmir Mediun lidhur me dosjen “Gërdeci”.

Shkak u bë mungesa e gjyqtares Irena Gjoka, e cila nuk paraqiti të paktën deri më tani një motiv të qartë.

Seanca parashikonte marrjen e dëshmisë së 5 ekspertëve që kryen ekspertizën duke përcaktuar dëmin në 2008 për ngjarjen.

Ish-ministri i Mbrojtjes, Fatmir Mediu është vënë nën akuzë nga SPAK për çështjen “Gërdeci”, ku nga shpërthimi i ndodhur në fabrikën e municioneve atje, humbën jetën 26 persona.

Mediu po gjykohet në GJKKO për çështjen “Gërdeci” për dy akuza atë të “Shpërdorimit të Detyrës” dhe “Shpërdorim i detyrës në bashkëpunim me subjekt ushtarak-kuadër komandues”.