Hamasi deklaron se nuk ka asnjë përparim në bisedimet për armëpushim me Izraelin

Nuk është bërë asnjë përparim në bisedimet për armëpushim me Izraelin për t’i dhënë fund luftës në Gaza, këtë tha një zyrtar i lartë i Hamasit.

Gjatë një konference për shtyp në kryeqytetin libanez Bejrut, Osama Hamdan tha se grupi është i gatshëm të trajtojë pozitivisht çdo propozim për armëpushim që sjell fundin e luftës.

Ndërkohë, më shumë palestinezë në jug të Gazës janë detyruar të zhvendosen përsëri për të shmangur operacionin izraelit në zonën që ndan Rafahun dhe Khan Younis.

Palët po fajësojnë njëra-tjetrën për mungesën e përparimit në bisedime, ndërsa Hamdan akuzoi gjithashtu Uashingtonin për presion ndaj Hamasit për të pranuar kushtet e Izraelit.

LEXO GJITHASHTU:

• Irani paralajmëron se do t’i kundërpërgjigjet Izraelit nëse sulmon Libanin
• Hamasi: Sulmet izraelite në Gaza vranë të paktën 42 persona