Brataj përgënjeshtron botuesin e Kadaresë: Iu ofrua gjithë ndihma e nevojshme

Kreu i Urgjencës Skënder Brataj hodhi poshtë pretendimet e botuesit të shkrimtarit Ismail Kadare, Bujar Hudhri se ambulanca që transportoi shkrimtarin nuk kishte pajisjet e nevojshme për t’i ardhur në ndihmë.

Në një deklaratë për mediat, ai tha se shkrimtarit Ismail Kadare iu ofrua e gjithë ndihma e nevojshme.

“Ngushëllime familjes dhe të gjithë shqiptarëve që e ndiejnë. Më duken deklarata, se nuk e di se sa në gjendje është një botues të vlerësoj një ekip mjekësor apo një ambulance. Gjatë 4 viteve që zoti Kadare është në Shqipëri, ka pasur në dispozicion, institucionet e qendrës shëndetësore. Sa herë ka qenë e nevojshme, ne kemi qenë prezentë. Nga interesimi që unë bëra në datë 1 që në momentin e parë që më erdhi telefonata, ka shkuar ekipi që ndodhet te qendra shëndetësore numër 8.

Ai është gjetur në gjendje arresti. Nga shtëpia deri në spital janë bërë tre ampula të adrenalinës që sipas protokollit bëhen çdo 5 minuta. Është dërguar një ekip i dytë, duke menduar se mund të ishte i nevojshëm transporti i menjëhershëm. Ekipi i parë është shoqëruar drejt QSUT. Më shumë se 30 minuta pacienti është intubuar.

Zemra nuk dha më asnjë shenjë që të rikthehet në jetë. Përgënjeshtroj çdo deklaratë që mund të bëhet nga kushdo. Kam qenë vetë prezentë, familja Kadare është dëshmitare. Ai nuk ka qenë me shenja jete, ndryshe nuk do futej në reanicmacion kardio-pulmunar”,-tha Brataj.

LEXONI GJITHASHTU:

• Nuk mundi të fliste gjatë homazheve për Kadarenë, zbardhet mesazhi i lënë nga Kurti
• “Tetova humbi qytetarin e saj të nderit” – Kasami në homazhet për Ismail Kadarenë