Ekspertët hedhin poshtë pretendimet se vaksinat shkaktojnë variante të reja COVID-19

Organizata Botërore e Shëndetësisë (OBSH) ka hedhur poshtë pretendimet se vaksinat COVID-19 po shkaktojnë variante të reja të virusit.

Raportet kanë qarkulluar në internet në Francë, ku thuhet se njerëzit e vaksinuar kanë “më shumë të ngjarë” të infektojnë të tjerët me “super-lloje” të koronavirusit.

Por, OBSH dhe imunologë të tjerë kanë thënë se këto pretendime janë të pabazuara dhe nuk kanë asnjë bazë shkencore.

“Nuk ka asnjë provë për këtë,” tha një zëdhënës i OBSH-së për Euronews.

“Vaksinimi është pjesë e zgjidhjes për shtypjen e transmetimit së bashku me masat ekzistuese të shëndetit publik”, shtoi ai.

Dezinformimi në internet në lidhje me koronavirusin dhe vaksinat ka qenë një “ferr” për qeveritë evropiane dhe strategjitë e tyre të inokulimit.

Një sondazh i muajit marsit nga Ipsos zbuloi se vetëm 59% e të rriturve në Francë synojnë të vaksinohen kundër COVID-19, krahasuar me Italinë (85%) dhe Spanjën (82%).

“Është një urgjencë, ne duhet të vaksinojmë sa më shumë njerëz që të mundemi për të ndaluar shfaqjen e varianteve dhe për të ndaluar përhapjen e virusit”, tha profesori Luke O’Neill, një imunolog në Trinity College Dublin.

Lexoni gjithashtu: 

Protesta kundër kufizimeve, manifestime në Gjermani, Francë, Zvicër dhe Rumani

Izolimi në Evropë, mbushen plazhet në Spanjë e Francë, në Itali vijon vaksinimi