Biden dënon sulmet vdekjeprurëse ruse në Ukrainë: Kujtesë e brutalitetit!

Presidenti i SHBA, Joe Biden ka dënuar një valë sulmesh raketore ruse që vranë të paktën 38 njerëz në Ukrainë.

Sipas mediave të huaja, Biden i ka cilësuar sulmet si një “kujtues i tmerrshëm i brutalitetit të Rusisë”, pasi ai u zotua të forcojë mbrojtjen ajrore të Kievit.

Po ashtu nga sulmet e së hënës të paktën 190 persona u plagosën në të gjithë vendin, duke përfshirë disa në një spital për fëmijë në kryeqytetin Kiev.

Sulmet ndodhën në një kohë që Biden përgatitet të presë një samit të NATO-s në Uashington të martën.

Presidenti i SHBA tha se në takim do të njoftohen përforcime të mëtejshme për mbrojtjen ajrore të Ukrainës.

Udhëheqësit nga 32 shtetet anëtare të NATO-s, vendet e tyre partnere dhe BE-ja po mblidhen për të shënuar 75-vjetorin e bllokut.

Biden tha se ai do të mirëpresë presidentin e Ukrainës Volodymyr Zelensky dhe liderë të tjerë të NATO-s.

Samiti do të fokusohet në mbrojtjen dhe parandalimin për pushtimin rus të Ukrainës.

“Ne do të shpallim masa të reja për të forcuar mbrojtjen ajrore të Ukrainës për të ndihmuar në mbrojtjen e qyteteve dhe civilëve të tyre nga sulmet ruse”, tha Biden.

“Unë do të takohem me Presidentin Zelenskyy për të bërë të qartë se mbështetja jonë për Ukrainën është e palëkundur”, shtoi ai.

Këshilli i Sigurimit i OKB-së do të takohet gjithashtu të martën me kërkesë të Ukrainës.

Sekretari i Përgjithshëm i OKB-së Antonio Guterres iu bashkua zyrtarëve perëndimorë në dënimin e sulmit raketor të Rusisë ndaj Ukrainës.

LEXONI GJITHASHTU:

• Performanca e dobët në debat, më shumë zëra brenda PD kërkojnë tërheqjen e Biden
• Trump fton Biden në një debat të ri pa rregulla dhe kufizime