Zjarret në Dropull, bllokohet rruga Gjirokastër-Kakavijë, flakët i afrohen fshatit

Rruga Gjirokastër-Kakavijë është bllokuar për shkak të zjarrit që ka rënë prej mbrëmjes së djeshme në Dropull dhe vijon të jetë aktiv.

Zjarri është përhapur në afërsi të fshatit Grapsh, në kullota dhe fushë të hapur.

Zjarret kanë pushtuar prej ditës së djeshme disa fshatra të Bashkive Dropull e Finiq në Gjirokastër.

Për shuarjen e flakëve janë angazhuar rreth 30 efektivë të Forcave të Armatosura dhe një helikopter Cougar.

Po ashtu aksionit i janë bashkuar edhe forcat e automjetet zjarrfikëse të bashkive Finiq, Delvinë, Sarandë, Dropull, Gjirokastër dhe Përmet, nën koordinimin e Agjencisë Kombëtare të Mbrojtjes Civile, për të stabilizuar situatën e krijuar.

LEXONI GJITHASHTU:

• Zjarret në fshatrat e Dropullit e Finiqit, 30 efektivë dhe një helikopter në terren
• Zjarret në Delvinë ndërhyjnë zjarrfikës nga Gjirokastra