Zjarret në Delvinë ndërhyjnë zjarrfikës nga Gjirokastra

Zjarrfikësit e Gjirokastrës i kanë ardhur në ndihmë shërbimeve zjarrfikës të cilët po ndërhyjnë për shuarjen e zjarreve problematike në zonën e Delvinës. Furia e flakëve ka bërë që të përfshijnë sipërfaqe të konsiderueshme kullote përgjatë Malit të Gjerë.

Fillimisht vatra e zjarrit u shfaq në Rezervatin e Rëzomës në Bashkinë Delvinë ndërsa ditën e sotme ka ardhur duke u zgjeruar përgjatë Malit të Gjerë. Zjarrfikësit e Gjirokastrës kanë bërë vlerësimin e situatës ndërsa u nisën për në vendngjarje 20 efektivë.

Terreni i thyer dhe malor e bën të pamundur përfshirjen e automjeteve zjarrfikës ndërsa zjarrfikësit e Gjirokastrës do të ndërhyjnë me pompa shpine dhe mjete rrethanore.