Projektligji për “tokat bujqësore”, Bylykbashi debat me Manjën, Gjiknuri voton kundër

Komisioni për Çështjet Ligjore dhe Administratën Publike shqyrtoi projektligjin për ndryshimet në ligjin “Për mbrojtjen e tokës bujqësore”, ku debatet u përqendruan te ndikimi i impianteve eolike në tokat bujqësore.

Deputeti i PD-së, Oerd Bylykbashi, kundërshtoi projektligjin, duke argumentuar se ndërtimi i kullave eolike kërkon shpime dhe struktura të mëdha betoni, të cilat, sipas tij, dëmtojnë tokën bujqësore.

Gjatë votimit të nenit të parë, deputeti i PS-së, Damian Gjiknuri, votoi kundër së bashku me dy deputetë të PD-së dhe kërkoi sqarime nga përfaqësuesit e institucioneve përgjegjëse. Edhe pas shpjegimeve se strukturat do të vendosen pa baza betoni, Gjiknuri shprehu dyshime.

“Një kullë 100 metra e lartë për një park eolik nuk ka shans të vendoset pa strukturë betoni. Nuk jam i bindur me shpjegimet tuaja”, deklaroi ai.

Debati vazhdoi edhe në fund të mbledhjes, kur deputeti Gent Strazimiri kërkoi të vijonte me pyetjet mbi projektligjin, por u kundërshtua nga kryetari i komisionit, Ulsi Manja. Përplasja mes Manjës dhe Gjiknurit përfundoi me largimin e këtij të fundit nga mbledhja.

Gjiknuri debat me Manjën, del kundër ligjit për Tokat Bujqësore dhe braktis Komisionin
Gjatë votimit të nenit të parë, deputeti i PS-së, Damian Gjiknuri, votoi kundër së bashku me dy deputetë të PD-së dhe kërkoi sqarime nga përfaqësuesit e institucioneve përgjegjëse. pic.twitter.com/j875cEsmsy

— Euronews Albania (@EuronewsAlbania) July 14, 2026