Kurti ndan pamjet duke korrur grurin me autokombajn: Kosova s’ka nevojë të importojë

Kryeministri i Kosovës, Albin Kurti, ka ndarë në rrjete sociale disa pamje duke korrur me autokombajn një sipërfaqe me grurë në zonën e Malishevës.

Shefi i qeverisë në Prishtinë ka bërë me dije se Kosova ka shtuar prodhimin e grurit për vitin 2024, duke nënvizuar se nuk do të ketë nevojë për import nga jashtë.

“Nga djerrina me 260 metra kub gurë, mbi 8 hektarë të bujkut Asman Kryeziu nga Malisheva u bënë arë me grurë.

Nga korrje-shirjet sivjet pritet që prodhimi do të shtohet për 140 deri në 150 mijë tonë grurë. Kjo do të thotë se nuk do ketë nevojë për import këtë vit, andaj me zemrën plot e themi: Për bukën e mot-motit!

Me korrjen e grurit, po korrim edhe suksesin e investimit në bujqësi dhe mbështetjen për bujqit, të cilëve u jemi mirënjohës për bashkëpunimin dhe punën e ndershme”, shkruan Kurti.