Rrëzohet një aeroplan rus në afërsi të Moskës

Autoritetet ruse në rajonin e Moskës njoftuan më 12 korrik se një aeroplan udhëtarësh, Sukhoi Superjet 100, u rrëzua në qytetin Kolomna, pranë kryeqytetit rus.

Si pasojë, që të gjithë tre anëtarët e ekuipazhit në bord humbën jetën, thanë zyrtarët.

Aeroplani ishte duke u kthyer në aeroportin e Moskës, Vnukovo, pas një vlerësimi të rregullt teknik dhe punës riparuese.

Aeroplani, i ndërtuar më 2014, është i kompanisë ajrore Gazpromavia.

Kryetari i Kolomnas, Aleksandr Grechishchev, i cili shkoi në vend të ngjarjes, tha se nuk ka viktima, përjashtuar ato nga ekuipazhi i avionit, shkruan REL.

Një hetim ka filluar për “shkeljen e rregulloreve të sigurisë në bordin e aeroplanit, të cilat shkaktuan humbje jetësh”.

LEXONI GJITHASHTU:

• Finlanda miraton ligjin për bllokimin e emigrantëve nga Rusia
• Ish-Presidenti i Rusisë kërcënon: Moska duhet të synojë zhdukjen e Ukrainës e NATO-s