Një burrë nga Kenia u arrestua me dyshimin se vrau 42 gra, përfshirë gruan e tij

Vrasësi serial i dyshuar Collins Jumaisi u arrestua në Kenia pas zbulimit të disa trupave në një gurore në Nairobi dhe policia tha sot se ai kishte rrëfyer se kishte vrarë 42 gra, përfshirë gruan e tij.

Policia tha se Jumaisi, një burrë 33-vjeçar që jeton pranë një guroreje në lagjen Mukuru në jug të kryeqytetit kenian, u arrestua më herët sot, raporton Reuters.

Ushtruesi i detyrës së shefit të policisë Douglas Kanya Kirocho tha se deri më tani nëntë trupa janë gjetur në gurore.

“Është e qartë se kemi të bëjmë me një vrasës serial, një vrasës serial psikopat që nuk ka respekt për jetën njerëzore”, tha Amin Mohammed, kreu i Departamentit të Hetimeve Kriminale.

Ai shtoi se Djumaisi ka rrëfyer se ka joshur dhe vrarë 42 gra dhe ka hedhur mbetjet e tyre në një gurore.

LEXONI GJITHASHTU:

• Presidenti i Kenias tërheq ligjin financiar pas protestave vdekjeprurëse
• Përmbytjet në Kenia, të mbijetuarit kërkojnë të dashurit ndërsa urdhërohet evakuimi