Me pistoletë në makinë, arrestohet 20-vjeçari në zonën e “5 majit”

Një 20-vjeçar është arrestuar në Tiranë, pasi qarkullonte i armatosur në automjetin e tij.

20-vjeçari, banues në Kamëz, u ndalua nga efektivët e policisë në zonën e 5 majit në kryeqytet, ku gjatë kontrollit në automjetin tip “Benz”, iu gjet një armë zjarri tip pistoletë.

I riu u shoqërua në paraburgim ndërkohë që materialet u referuan në prokurori për veprime të mëtejshme.

“Shërbimet e Komisariatit të Policisë Nr. 4, në zbatim të masave të përcaktuara në planin operacional “Sundimi i ligjit”, bazuar dhe në informacionet e siguruara nga inteligjenca policore, për një shtetas që qarkullonte me automjet, i armatosur, kanë finalizuar operacionin policor të koduar “Driver”.

Gjatë operacionit u arrestua në flagrancë shtetasi E. M., 20 vjeç, banues në Kamëz, për veprën penale “Mbajtja pa leje dhe prodhimi i armëve, armëve shpërthyese dhe i municionit”, parashikuar nga neni 278 i Kodit Penal.

Në rrugën “5 Maji”, shërbimet e Policisë kanë lokalizuar automjetin tip “Benz”, me drejtues shtetasin E. M. Gjatë kontrollit në çantën e tij, shërbimet e Policisë gjetën një armë zjarri pistoletë me krehër dhe municion luftarak, të cilat u sekuestruan në cilësinë e provës materiale”, thuhet në njoftimin e policisë.

LEXONI GJITHASHTU:

• Me pistoletë në makinë, arrestohet 20-vjeçari në zonën e “5 majit”
• EMRI|Plagosi të riun pasi i ngacmoi partneren, arrestohet autori i ngjarjes në Lezhë
• Plagosi me thikë 28 vjeçarin në Itali, arrestohet shqiptari