Plagosi një person me armë zjarri për një borxh, arrestohet autori në Vaun e Dejës

Një 36-vjeçar me inicialet E. D. është arrestuar mëngjesin e kësaj të enjteje pasi një ditë më parë ka plagosur me armë zjarri një person në Vaun e Dejës.

Ai dyshohet se ka qëlluar me armë zjarri në drejtim të shtetasit J. M., 32-vjeçar gjatë konfliktit ndërmjet tyre, për një borxh të pashlyer.

Njoftimi i policisë:

Zbardhet ngjarja e ndodhur ditën e djeshme, në fshatin Melgushë, ku u qëllua me armë zjarri, në drejtim të shtetasit J. M.

Identifikohet dhe vihet në pranga autori i dyshuar.

Si rezultat i veprimeve të shpejta dhe profesionale hetimore, të organizuara dhe të kryera menjëherë pas marrjes së njoftimit, se mëngjesin e datës 24.07.2024, gjatë një konflikti për motive të dobëta, ndërmjet shtetasit J. M., 32 vjeç, banues në Melgushë dhe disa shtetasve të tjerë, dyshohej se ishte qëlluar me armë zjarri, në ajër, shërbimet e Komisariatit të Policisë Vau i Dejës, në bashkëpunim me specialistët për Hetimin e Krimeve ndaj Personit, të Drejtorisë Vendore të Policisë Shkodër kanë identifikuar, kapur dhe ndaluar autorin e dyshuar, shtetasin:

1. D., 36 vjeç, banues në fshatin Dobraç.

Ky shtetas dyshohet se ka qëlluar me armë zjarri në drejtim të shtetasit J. M., gjatë konfliktit ndërmjet tyre, për një borxh të pashlyer.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.

LEXONI GJITHASHTU:

• Babai plagosi të birin në Pogradec, i afërmi: Djali ishte i dehur, s’ka faj i ati
• U plagosën 2 vëllezër, Policia zbulon shkaqet e shpërthimit në makinën në Gramsh