Shtatë zgjedhje në 3 vjet, dështon përpjekja për formimin e qeverisë në Bullgari

Bullgaria do të mbajë zgjedhjet e shtata parlamentare në vetëm tre vjet. Partia që mori e fundit pushtetin, ITN, ia ktheu mandatin për formimin e qeverisë së tretë presidentit Rumen Radev të papërmbushur. Kryetari i grupit parlamentar të partisë në fjalë tha se palët nuk kishin gjetur dot gjuhën e përbashkët.

Toshko Yordanov, kryetar i grupit parlamentar të partisë ITN, Bullgari.

“Nëse ka diçka pozitive në atë që ndodhi është se në fund, ne folëm me të gjitha partitë përveç njërës. Askush nuk e bëri këtë në mandatin e parë e jo më atë të dytë”,-tha Toshko Yordanov, kryetar i grupit parlamentar të partisë ITN, Bullgari.

Presidenti pritet të caktojë një kryeministër të përkohshëm dhe të programojë zgjedhjet e reja Brenda 2 muajsh.

“Vorbulla e zgjedhjeve të pambyllura vazhdon dhe në këto momente ajo jo vetëm po shkakton zemërim, por po nxit edhe një numër procesesh shkatërruese që po bllokojnë institucionet, po largojnë qytetarët nga mekanizmi demokratik i zgjedhjeve dhe madje po hedhin dyshim mbi parlamentarizmin si një formë efikase e funksionimit të shtetit”,-tha Rumen Radev, president i Bullgarisë.

Presidenti u bëri thirrje partive për një betejë të ndershme në javët e ardhshme.

LEXONI GJITHASHTU:

• Si u pasqyrua në mediat greke rezultati i zgjedhjeve në Himarë dhe fitorja e PS
• Bullgaria paralajmëron veto ndaj Serbisë në BE, reagon Beogradi