Çmimet ‘Bafta’, kryesojnë gratë dhe diversiteti. I nominuar edhe filmi mbi Srebrenicën

Me plot surprizat pritet të jetë në fundjavë eventi i ndarjes së çmimeve Bafta, çka paraprin një nga ngjarjet më të rëndësishme të kinematografisë, çmimet OSCAR, që zhvillohet në fund të prillit

Së pari një numër i madh vajzash e grash janë nominuar për cmimin më të lakmuar të BAFTA, regjisori më i mirë, katër gra në 6 nominime.

Chloé Zhao, me filmin Nomadland, është favoritja kryesore me 7 nominime

E së dyti e veçanta e këtij viti është diversiteti i të nominuarve.

Ka edhe përjashtime sikundër Sarah Gravon,  e cila, me filmin e saj Rocks ku flitet për jetën e një të riu në periferitë e Londrës, ka marrë gjithashtu 7 nominime.

Për edicionin e vitit 2020 hashtag “#BaftasSoWhite “është shfaqur në rrjetet sociale, por ky vit do të mbahet mend, vetëm 2 aktorë të bardhë mes 6 të nominuarve, dhe një talent i ri si Bukky Bakray në filmin Rocks është një nga favoritët.

Aktori dhe reperi britanik me origjinë pakistaneze Riz Ahmed është gjithashtu një shembull i këtij ndryshimi të fundit.

Në filmin Sound of Metal,  i nominuar 4 herë, ai luan rolin e një bateristi, i cili me kalimin e kohës humbet dëgjimin .

“Kur jeni duke luajtur daulle në ekran, me të vërtetë do të luani daulle. Dhe kështu ne kaluam atë proces të përgatitjes. Të gjithë personazhet në film ishin të shurdhët , të luajtur nga aktorë që nuk dëgjojnë. Pra ekzistonte një lloj shtrese autenticiteti i shtrirë në të gjithë xhirimin që mendoj se me të vërtetë na lejoi që të përfshiheshim  dhe të jetonim në të”, u shpreh aktori Riz Ahmed.

Më në fund, dy herë i nominuar, për Bafta për regjinë më të mirë dhe filmin më të mirë të huaj është edhe film “Quo Vadis, Aida” nga Jasmila Žbanić, një dramë e fuqishme  që përqendrohet në një nga momentet më të turpshme të historisë së fundit evropiane, masakrën e Srebrenicës.

Çmimet Bafta do të ndahet në dy pjesë, të shtunën dhe të dielën në mbrëmje dhe do të jenë online.