“Qiellgërvishtëset” do të kenë një qëllim të ri, ruajtjen e energjisë së rinovueshme

Njerëzit kanë ndërtuar prej kohësh struktura të larta për të shfaqur fuqinë e perandorive, sundimtarëve, feve dhe korporatave.

Sot, më shumë ndërtesa të larta po shfaqen se kurrë më parë.

Por “qiellgërvishtëset” së shpejti mund të kenë një qëllim të ri: ruajtjen e energjisë së rinovueshme.

Një nga pengesat më të mëdha për një rrjet elektrik të dominuar nga energjia e pastër është ndërprerja e disa burimeve të rinovueshme.

Në fund të majit , Skidmore, Owings & Merrill (SOM), firma e arkitekturës dhe inxhinierisë që qëndron pas disa prej ndërtesave më të larta në botë, njoftoi një partneritet me kompaninë e ruajtjes së energjisë Energy Vault për të zhvilluar zgjidhje të reja për ruajtjen e energjisë së gravitetit.

Kjo përfshin një dizajn për një gradaçelë që do të përdorte një motor të fuqizuar nga energjia elektrike nga rrjeti për të ngritur blloqe gjigante kur kërkesa për energji është e ulët.

Këto blloqe do të ruanin energjinë elektrike si energji “potenciale”.

Kur ka kërkesë, blloqet do të ulen, duke çliruar energjinë, e cila do të shndërrohej në energji elektrike.

LEXONI GJITHASHTU:

• Ushtria izraelite përdor gjigantët e teknologjisë, ruhen të dhëna për luftën në Gaza
• Një “alarm i rremë” në Rusi lë një milion njerëz pa energji elektrike