1 i vrarë dhe 8 të plagosur nga shpërthimi i një droni terrorist në Turqi

Një person ka humbur jetën sot dhe tetë janë plagosur, dy prej të cilëve në gjendje të rëndë, në një shpërthim me gjasë të shkaktuar nga një dron terrorist, i cili ka ndodhur në rajonin e Detit të Zi pranë qytetit Çalişkan, në rrethin e Sirnak, raportojnë mediat turke.

Sipas informacioneve të para, shpërthimi ka ndodhur kur furgoni zyrtar i minierës dhe një automjet tjetër po kalonin pranë minierës në rajonin Siyahkaya, shkruan gazeta Jumhuriye

Në vendngjarje janë nisur forca të shumta sigurie, zjarrfikëse dhe ekipe mjekësore, të cilët pas dhënies së ndihmës së parë, të plagosurit janë transportuar në spitalin e Silopit.

Për ngjarjen ka nisur një hetim i gjerë.

Ministri i Brendshëm turk Ali Jerlikaya foli për shpërthimin dhe konfirmoi se një person mbeti i vdekur dhe tetë u plagosën, dy prej tyre në gjendje të rëndë.

“Hetimi fillestar që zhvilluam së bashku me Ministrinë e Mbrojtjes Kombëtare përcaktoi se sulmi që u krye nga Iraku verior ishte rezultat i armiqësive të lidhura me funksionimin e minierave të qymyrit në atë rajon”, tha ai në platformën “X”.

LEXONI GJITHASHTU:

• I ndaluar prej një jave, Turqia rikthen papritur aksesin në Instagram
• I ndaluar prej një jave, Turqia rikthen papritur aksesin në Instagram