Rasti i parë i lisë së majmunit jashtë Afrikës, vendi evropian ku është raportuar

Autoritetet suedeze njoftuan sot se vendi ka konfirmuar rastin e parë të lisë së majmunëve, një infeksion viral që përhapet përmes kontaktit të ngushtë, raporton “Reuters”.

“Gjatë pasdites morëm konfirmimin se në Suedi kemi një rast të llojit më të rëndë të lisë, atë të quajtur clade one”, tha ministri i Shëndetësisë dhe Çështjeve Sociale Jakob Forsmed në një konferencë për shtyp.

Organizata Botërore e Shëndetësisë (OBSH) shpalli të enjten një emergjencë globale të shëndetit publik për herë të dytë në dy vjet për shkak të përhapjes së virusit të shytave, i njohur më parë si lija e majmunëve.

Pas shpërthimit të epidemisë në Republikën Demokratike të Kongos, infeksioni u përhap në vendet fqinje.

Ky virus mund të përhapet përmes kontakteve të ngushta ndërpersonale dhe më së shpeshti shfaqet me simptoma të lehta, por në raste të rralla infeksioni mund të jetë fatal me simptoma të ngjashme me gripin dhe lezione purulente në trup, shkruan agjencia britanike.

LEXONI GJITHASHTU:

• Lija e majmunit mund të shpallet emergjencë e shëndetit publik thotë OBSH
• OBSH shpall sërish linë e majmunëve si emergjencë globale për shëndetin publik