Testimi i vaksinës së parë kundër kancerit të mushkërive ka nisur në shtatë vende 

Mjekët kanë filluar testimin e vaksinës së parë mRNA të kancerit të mushkërive te pacientët në shtatë vende, dhe një provë klinike njerëzore e fazës 1 është nisur në 34 vende kërkimore në shtatë vende: MB, SHBA, Gjermani, Hungari, Poloni, Spanjë dhe Turqi.

Vaksina e njohur si “BNT116” është bërë nga “BioNTech”, dhe funksionon në parimin e gjetjes së qelizave kancerogjene dhe më pas vrasjes së tyre dhe parandalimit të kthimit të tyre, shkruan Guardian.

Qëllimi i vaksinës është të forcojë përgjigjen imune të një personi të sëmurë ndaj kancerit, duke lënë të paprekura qelizat e shëndetshme.

Janus Rach 67 vjeç nga Londra është personi i parë që ka marrë vaksinën në Britaninë e Madhe.

Ai u diagnostikua në maj dhe së shpejti filloi kimioterapinë dhe radioterapi.

Ai mori gjashtë injeksione me pesë minuta larg të martën në objektin e kërkimit klinik të Institutit Kombëtar të Kërkimeve Shëndetësore.

“Shpresojmë të kalojmë në fazën 2, fazën 3, dhe më pas shpresojmë që kjo vaksinë të vihet në praktikë në mbarë botën dhe të shpëtojmë shumë pacientë me kancer të mushkërive”, tha profesori dhe onkologu i Universitetit të Londrës, Siow Ming.

Kanceri i mushkërive është shkaku kryesor i vdekjeve nga kanceri në botë, dhe çdo vit rreth 1.8 milionë njerëz vdesin nga ky lloj kanceri.

LEXONI GJITHASHTU:

• Studimi| Brezat e rinj kanë më tepër gjasa të preken nga kanceri se me të vjetrit
• Rriten vdekjet nga kanceri, INSTAT: Në 2023, 3,2% më shumë fatalitete se në 2022