Rriten vdekjet nga kanceri, INSTAT: Në 2023, 3,2% më shumë fatalitete se në 2022

Të dhënat e fundit të publikuara nga INSTAT nxjerrin në pah se përgjatë vitit 2023, 15,7 % e fataliteteve janë si pasojë e sëmundjeve kancerogjene, të cilat renditet të tretat ndër shkaqet kryesore të vdekshmërisë, por të vetmet që kanë shënuar rritje me 3,2% brenda një viti.

“Sëmundjet e aparatit të qarkullimit të gjakut” ku përfshihen, problemet kardiake, infarktet e zemrës dhe trurit vazhdojnë të jenë shkaku kryesor i vdekjeve në Shqipëri dhe përbëjnë më shumë se gjysmën e fataliteteve.

Të dyta në renditen “simptoma, shenja dhe sëmundje të papërcaktuara mirë” që përbëjnë  20,9 % të fataliteteve në një vit, dhe pleqëria zë vendin kryesor.

Sa i takon sëmundjeve tumorale, përafërsisht gjysma e humbjeve të jetës i përket grup-moshës 65-79 vjeç, ndërkohë që kryesojnë tumoret në aparatin tretës.

Në total në vitin që kemi lënë pas, ndërruan jetë  21.286 persona, 53,8 % meshkuj dhe 46,2 % janë femra.

LEXONI GJITHASHTU:

• Studiuesit: Kanceri i rektumit zhduket me ilaçe
• Kurimi i kancerit me nanogrimca, shkenca mjekësore mund të arrijë momentin historik