I bie mbi kofano kablli i shtyllës elektrike, digjet makina në Korçë

Një makinë është përshirë nga flakët në qytetin e Korçës në orët e para të mëngjesit të kësaj të shtune. Ngjarja ka ndodhur në lagjen nr. 18 të qytetit juglindor dhe dyshohet se shkak për rënien e zjarrit është bërë një kabëll që ka rënë nga një shtyllë elektrike.

Automjei ka qenë i parkuar dhe rënia e kabllit që ka marrë flakë mbi kofano ka shkaktuar djegien e mjetit.

Grupi hetimor ndodhet në vendngjarje dhe po punon për sqarimin e plotë të rrethanave të rastit.
“Sot rreth orës 05:30, në lagjen nr. 18 Korçë, dyshohet se për shkak të djegies së një kablli elektrik, ka marrë flakë në pjesën e kofanos automjeti tip “Nissan”, në pronësi të shtetases V. S.

Automjeti ishte i parkuar poshtë shtyllës ku po digjej kablli elektrik dhe dyshohet se ka marrë flakë si pasojë e rënies mbi  kofano të pjesëve  të ndezura të kabllit elektrit”, thuhet në njoftimin e policisë.

LEXONI GJITHASHTU:

• Zjarri në Parkun e Prespës, pushtohet nga tymi fshati Goricë e Vogël
• Riaktivizohet zjarri në Malin e Thatë, 5 vatra aktive mbi fshatin Peshkëpi