Sulm me thikë në Gjermani, një grua plagos 5 persona në autobus

Të paktën pesë persona kanë mbetur të plagosur si pasojë e një sulmi me thikë në një autobus në qytetin gjerman Siegen dhe tre persona janë në rrezik, raporton Bild.

Sulmi ka ndodhur rreth orës 19:40 dhe sulmin e ka kryer një grua 32-vjeçare.

Sipas policisë, autobusi në itinerarin rajonal R22 ishte nisur për në një festival të qytetit në Siegen, në shtetin e Rhine-Westfalen.

Në momentin e sulmit, në autobus ndodheshin të paktën 40 pasagjerë, mes tyre edhe fëmijë.

Sipas informacioneve të Bild, gruaja është gjermane dhe ka mundësi të jetë e sëmurë mendore, si dhe të jetë droguar dhe supozohet se ka goditur rastësisht personat në autobus.

Sulmi ndodhi saktësisht një javë pas një sulmi terrorist në qytetin Solingen, qindra kilometra larg, kur një vrasës goditi me thikë tre persona dhe plagosi tetë të tjerë.

LEXONI GJITHASHTU:

• Gjermania dëbon dhjetëra afganë, shkak sulmet me thikë në disa qytete prej tyre
• Gjermania ashpërson politikat e sigurisë dhe azilit, pas sulmit të rëndë në festival