Fluks në konsultore, nisja e shkollës nxit prindërit të bëjnë vaksinat e fëmijëve

Të shumtë kanë qenë fëmijët që këto ditë të shoqëruar nga prindërit e tyre janë paraqitur në Konsultoret e lagjeve për të injektuar vaksinën e radhës, apo ato vaksina që i kanë anashkaluar dhe nuk i kanë bërë.

Kartela me të gjitha vaksinat e detyruara është një ndër dokumentet që duhet në regjistrimet në çerdhe, kopshte e shkolla.

Paralelisht me ofrimin e shërbimit për të vegjlit mjekët e konsultorit po vijojnë të përditësojnë sistemin me vaksinat e kryera nga të gjithë personat deri në 18 vjeç.

Me ardhjen e njoftimit mjekët apelojnë që prindërit të paraqiten menjëherë për vaksinimin e fëmijëve.

Aktualisht kartela digjitale e vaksinimit për fëmijët deri në 7 vjeç gjenerohet në mënyrë automatike në e-Albania, pa pasur nevojën e paraqitjes në qendrën shëndetësore dhe tërheqjen e saj.