EMRI| I vuri zjarrin stallës pas sherrit me kushëririn, arrestohet 25-vjeçari

Policia e Kavajës arrestoi një 25-vjeçar i cili i vuri zjarrin një stalle bagëtish pas konfliktit për motive të dobëta me kushëririn.

Në pranga u vu shtetasi Edison Ajazi, 25 vjeç, banues në Golem.

Ky shtetas dyshohet se i ka vënë zjarrin stallës së bagëtive në pronësi të kushëririt të tij, për motive të dobëta. Nga përhapja e flakëve është djegur objekti njëkatësh ngjitur me stallën e bagëtive, një sasi e konsiderueshme baze ushqimore për bagëtitë dhe sipërfaqja e tokës përreth, bëri me dije policia.

Materialet procedurale i kaluan Prokurorisë pranë Gjykatës së Shkallës së Parë e Juridiksionit të Përgjithshëm Durrës, për veprime të mëtejshme, për veprën penale “Shkatërrimi i pronës me zjarr”.

LEXONI GJITHASHTU:

• Qarkullonte me armë zjarri në makinë, arrestohet 28-vjeçari në Tiranë
• Zjarri në Elbasan, anëtari i këshillit bashkiak: Ndodhen afër dy magazina me bateri