Një grua mbetet e vrarë në sulmet me dron të Ukrainës në Rusi

Një grua 46-vjeçare vdiq dhe tre persona u plagosën në Ramenskoye, ndërsa 43 persona u evakuuan në qendrat e akomodimit të përkohshëm.

Zyrtarët rusë thonë se kanë rrëzuar 144 dronë ukrainas në të gjithë vendin gjatë natës në një valë sulmesh që kanë vrarë një grua, kanë djegur ndërtesat e banimit dhe kanë ndaluar fluturimet në Moskë.

Guvernatori i Moskës, Andrei Vorobyov, tha se disa banesave në dy ndërtesa shumëkatëshe në Ramenskoye në rajonin e Moskës u dogjën.

Ukraina deri më tani nuk ka komentuar mbi sulmet.

Ministria e Mbrojtjes e Rusisë tha të martën se nga 144 dronët që kapi mbrojtja ajrore e saj, gjysma ishin në rajonin kufitar perëndimor të Bryansk, 20 ishin në Moskë dhe 14 ishin mbi rajonin e Kurskut.

Media shtetërore raportoi se sulmet mbyllën katër aeroporte në Moskë dhe më shumë se 30 fluturime vendase dhe ndërkombëtare që i shërbenin kryeqytetit rus u pezulluan.

Autoriteti i aviacionit rus, Rosaviatsia, konfirmoi në Telegram të martën në mëngjes se tre nga aeroportet – Domodedovo, Zhukovsky dhe Vnukovo – kishin rifilluar funksionimin.

LEXONI GJITHASHTU:

• OKB shprehet e gatshme të mbikëqyrë një armëpushim të mundshëm në Gazë
• Ndarja e drejtimit politik në Tiranë për PS, zbulohet roli i Veliajt