Rusia përjashton bisedimet me Kievin, sekretari rus: Nuk negociojmë me terroristë

Sekretari rus i Këshillit të Sigurimit, Sergej Shoygu tha të martën se Moska nuk do të angazhohet në negociata me Kievin derisa trupat ukrainase të dëbohen nga territori rus.

“Për sa kohë që ne nuk i kemi larguar ata nga toka jonë, nuk do të ketë negociata,” u zotua Shoygu në një intervistë për televizionin Rusi-24.

Ish-ministri i mbrojtjes dënoi përpjekjet e Ukrainës për të arritur termocentralin bërthamor të Kurskut (NPP), duke thënë se veprime të tilla janë dashakeqe dhe të barabarta me “kulmin e terrorizmit”.

“Këtu ka një çështje të rëndësishme – Termocentrali Bërthamor i Kurskut. Ne nuk bëjmë dhe nuk do të negociojmë me terroristët. Dëshira e tyre për të kryer terror bërthamor në NPP Kursk përfaqëson nivelin më të lartë të terrorizmit. Ata synonin të avanconin dhe kapnin termocentralin, por fatmirësisht dështuan”, theksoi ai.

Rusia dhe Ukraina vazhdojnë luftimet në rajonin e Kurskut, ku Kievi filloi një inkursion më 5-6 gusht, dhe në Ukrainën lindore, ku Moska vazhdon të pretendojë përparime në fronte të shumta.

LEXONI GJITHASHTU:

• Sulmuan zyrtarët policorë të Kosovës, arrestohen të rinjtë në Mitrovicën e Veriut
• Një grua mbetet e vrarë në sulmet me dron të Ukrainës në Rusi