Një grua mbetet e vrarë në sulmet me dron të Ukrainës në Rusi

10 Shtator 2024 | 09:36

Një grua 46-vjeçare vdiq dhe tre persona u plagosën në Ramenskoye, ndërsa 43 persona u evakuuan në qendrat e akomodimit të përkohshëm.

Zyrtarët rusë thonë se kanë rrëzuar 144 dronë ukrainas në të gjithë vendin gjatë natës në një valë sulmesh që kanë vrarë një grua, kanë djegur ndërtesat e banimit dhe kanë ndaluar fluturimet në Moskë.

Guvernatori i Moskës, Andrei Vorobyov, tha se disa banesave në dy ndërtesa shumëkatëshe në Ramenskoye në rajonin e Moskës u dogjën.

Ukraina deri më tani nuk ka komentuar mbi sulmet.

Ministria e Mbrojtjes e Rusisë tha të martën se nga 144 dronët që kapi mbrojtja ajrore e saj, gjysma ishin në rajonin kufitar perëndimor të Bryansk, 20 ishin në Moskë dhe 14 ishin mbi rajonin e Kurskut.

Media shtetërore raportoi se sulmet mbyllën katër aeroporte në Moskë dhe më shumë se 30 fluturime vendase dhe ndërkombëtare që i shërbenin kryeqytetit rus u pezulluan.

Autoriteti i aviacionit rus, Rosaviatsia, konfirmoi në Telegram të martën në mëngjes se tre nga aeroportet – Domodedovo, Zhukovsky dhe Vnukovo – kishin rifilluar funksionimin.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Protesta e studentëve kundër masave shtrënguese në Kili, 25 të plagosur nga përleshjet

Të paktën 25 persona, përfshirë 12 oficerë policie, u plagosën gjatë përleshjeve midis studentëve dhe forcave të sigurisë në një protestë kundër politikave të kursimit...
08:27 | 04/06/2026

Kim Jong Un bëri thirrje për zgjerimin eksponencial të arsenalit bërthamor të Koresë së Veriut

Udhëheqësi i Koresë së Veriut, Kim Jong Un, ka bërë thirrje për një zgjerim eksponencial të arsenalit bërthamor të vendit, njoftoi agjencia shtetërore e lajmeve...
08:22 | 04/06/2026

Humbje diplomatike për Gjermaninë në OKB, Berlini ngre dyshime për ndikimin rus

Ministri i Jashtëm i Gjermanisë, Johann Wadephul, ka deklaruar se mbështetja e fortë e Berlinit për Ukrainën dhe Izraelin mund t’i ketë kushtuar vendit vota...
07:40 | 04/06/2026